* Applications are issued for admissions for the year 2019-2020. Contact school Office for details.  
:: About Us :: About Founder in Telugu


ధర్మమూర్తి రావుబహుదూరు కలవల కణ్ణన్ శ్రేష్ఠిగారు చెన్నపురిలో ధర్మసంస్థలు నెలకొల్పి శాశ్వత కీర్తినార్జించిన ధర్మమూర్తి. రావుబహుదూరు సి.కణ్ణన్ శ్రేష్ఠిగారు కలవల కుటుంబమున 1869వ సంవత్సరమున జన్మించిరి.  అమరజీవులైన వారి తండ్రిగారు శ్రీ చెల్లం శ్రేష్ఠిగారు ఆ కాలమున నుండిన వర్తకులలో ప్రముఖులైయుండిరి. మిస్సర్స్ కింగ్ అండ్ కంపెనీలో వీరొక ముఖ్య భాగస్థులై యుండిరి. శ్రీ కణ్ణన్ శ్రేష్ఠిగారు చెన్నపురిలోని పచ్చయప్ప కళాశాలలోను, క్రైస్తవ కళాశాలలోను విద్యనార్జించి తమ తండ్రిగారి వృత్తినవలంభించి, దానిని మిక్కిలి ప్రయాసపడి పెంపొందించిన దానిఫలితముగా కింగ్ అండ్ కంపెనీకి నేడు చెన్నపురిలో మిక్కిలి పలుకుబడి, గౌరవము నేర్పడియున్నది. కేవలము ధనార్జనమునందే దృష్టికలవారుగా నుండక వారు దానిని పలుధర్మమార్గములలో వ్యయము చేయుచుండుట ఎల్లరకు విదితమే. ఆ మహనీయుని ప్రశంసింపని వారులేరు. సాధారణముగా ధనవంతులు బీదలకు విద్యనేర్పుటకును వైద్యవసతి కల్పింపను సహాయమొనర్పవచ్చును.


ఈ పైరెండు మార్గములలోను శ్రీ శ్రేష్ఠిగారు ధనమును ధనముగా జూడక అది అచేతనమైనదనియు తమ వెంట రాబోదనియు దలంచి దానిని తృణముగా భావించి పలు ధర్మములకును వెదజల్లియున్నారు. మదరాసులోని ఇతర స్థలములందును వారునడుపుచున్న ధర్మస్థాపనములకై ప్రతిసంవత్సరము, ఏబదివేల రూపాయలకధికముగా వ్యయమొనర్చుచున్నారు. సంస్కృతమున వారికి విశేషపరిచయము లేకున్ననూ ప్రాచీన గ్రంధములను పలువురు తెలిసికొని మేలందుకొనిటకై తిరువల్లిక్కైణిలో నొకసంసృత కళాశాల నేర్పరచి దానికై నెలకు రూ.450 వ్యయము చేయుచున్నారు. 


ఆ మహనీయుని ధర్మకైంకర్యములందు చింతాద్రిపేటలో ఒక బాలికా పాఠశాలయు, నారాయణ మొదలివీధిలోనొక బాలికా పాఠశాలయు, తంబుచెట్టి వీధిలో ఒక బాలికా పాఠశాలయు నడుపబడుచున్నవి. తిరువళ్ళూరిలోని ఉన్నతోన్నత పాఠశాలయు, మాంబళములోని పాఠశాలయు వారివలన నెలకొల్పబడినవి. నీడామంగ లములోని పాఠశాలకు  వారు ఆర్ధిక సహాయమొనర్చుచున్నారు. మదరాసులోను, తక్కిన చోటులలోను బీదలకై  వారు ఏర్పరచియున్న ప్రాధమిక పాఠశాలను లెక్కింప నలవిగానివి. 

SMS Gateway

Facilities

Quote of the Day

Copyright © 2011 - DRBCCC Higher Secondary School - All Rights Reserved. Developed by ArcherWebSol
DRBCCC Higher Secondary School
Perambur, Chennai - 600011
Phone: +91-44-26721626
VISITOR COUNT